1989 ...
అక్టోబర్ 4
అర్ధరాత్రి చలికాలం
ఊరంతా నిద్రలోకి జారుకున్నా హైదరాబాద్ చలి వణికిస్తున్నా కూడా
పట్టుమని పాతికేళ్ళు కూడా లేని ఆ కుర్రవాడికిమాత్రం ఆ రోజు శివరాత్రే అయింది.
పరీక్షా ఫలితాల కోసం ఎదురుచూస్తున్న కుర్రవాడి కంటే వెయ్యి రెట్ల టెన్షన్ ని అతను అనుభవిస్తున్నాడు.
అవును...
తెల్లవారితే అతను దర్శకత్వం వహించిన మొదటి సినిమా రిలీజ్...
55 రోజుల్లో షూటింగు ...
75 లక్షల రూపాయల ఖర్చు ... (ఇప్పటి లెక్క ప్రకారం 8 కోట్ల రూపాయల పైనే !)
ఏ సన్నివేశాన్ని ఎలా తీశాడో అర్థం కాని పరిస్థితి యూనిట్ వాళ్ళది...
రీరికార్డింగ్ చూసి నీరసపడిపోయిన నిర్మాతలు...
ఆ మరునాడు... అనగా అక్టోబర్ 5 న ఆ సినిమా విడుదలైంది...
ఆంధ్ర ప్రదేశ్ అంతటా అల్లకల్లోలం...
పెద్ద సంచలనం...జనం విరగబడి చూశారు .
కాలేజీ కుర్రాళ్ళంతా సైకిలుచైనులు పట్టుకొని తిరగడం మొదలు పెట్టారు.
22 కేంద్రాల్లో 100 రోజులు...
5 కేంద్రాల్లో 155 రోజులు...
తమిళంలోకి అనువదిస్తే అక్కడా ఘన విజయం...
కొత్త దర్శకుల్లో స్ఫూర్తిని నింపిన సినిమా...
తెలుగు సినిమా చరిత్ర ని ఈ సినిమా కంటే ముందు,
ఈ సినిమా తర్వాత అని వర్గీకరించేంతగా ప్రభావం చూపిన ఆ సినిమా...
'శివ'
ఆ దర్శకుడు...
రామ్ గోపాల్ వర్మ...
ఎన్టీయార్ తర్వాత తెలుగోడి సత్తాను దేశానికి చాటుతున్న బాలీవుడ్ మేటి దర్శకుడు..
